عن اسعار الكلاب ...

  • ،
  • تعليق
  • Unknown




اكتر من حد سألني علي اسعار كلاب ..
لما سالت علي الموضوع اللي عايزينه قالولي عايزين قايمه باسعار الكلاب ..
بصو يا جماعه مبدأيا عايزكو تفهمو ان الكلاب دي روح
والبيع والشرا ف روح مش مقترن بسعر يمعني ..
لو جروين اخوات من نفس الاب والام مش هيكونو بنفس السعر ابدا ..
ليه ؟ لو جينا لنوع زي الجيرمين
ممكن جرو يبقي لونه اغمق من اخوه - جرو الماسك بتاعه احلي من اخوه - جرو ديله اطول هكذا
لو بصينا مثلا للبيتبول هنلاقي جرو اقصر من التاني جرو اعرض من التاني جرو حجم دماغه اكبر من التاني ..

غير سن الكلب غير نوعه ذكر ولا انثي غير صحته كويسه ولا لا

ده لو بنتكلم ف السعر من حيث التقليب فقط ف ملهاش مقياس
هيجي واحد يقولي الجرو التوب الكامل هيكون بكام برضه محدش يقدر يحدد ..

البيع والشرا ف الكلاب بيبقي حسب رغبه البايع والمشتري يعني ايه ؟
يعني انا معايا كلب بلدي و عايز ابيعه ب 1000 جنيه حد ليه عندي حاجه ؟ عرض وطلب عايز تشتري اهلا وسهلا مش عايز مش ببيعلك بالعافيه حسب البايع مزنوق ف عايز يبيع و المشتري مزنوق ومحتاج الكلب ولا لا وقدامه بدايل ولا لا

طيب ما ممكن اللي معاه الكلب مش عارف قيمته اصلا !!
يعني يكون جايله هديه او سارقه او لاقيه او او ساعتها انت متقدرش تحكم السعر ايه !!

طيب احنا بصينا لجانب التقليب وجانب العرض والطلب ..
في جوانب تانيه كتير

زي مثلا انا عندي كلب بأكله دراي وبوديه لدكتور كل يوم
واحد تاني معاه كلب تقليبه اعلي من الكلب بتاعي بس بيأكله رجول فراخ ومش بيروح للدكتور ولا بيصرف عليه اكتر من الاكل وبس
ساعتها انا بالنسبالي قيمه الكلب بتاعي بسعر اعلي من قيمه الكلب التاني لصاحبه ..

اخر جانب وبعتبره اهم جانب الكلب ده متدرب ولا لا اكيد لو كلب متدرب سعره مش هيكون زي اللي مش متدرب واكيد برضه قيمته للي بيشتري ويبيع غير التاني

يعني من الاخر
ممكن كلب بلدي نظيف كامل التطعيمات صاحبه عارف قيمته متدرب طاعه وشراسه كويس جدا صحته كويسه
يكون اغلي من كلب جيرمين تقليب عالي جدا بس ولا متدرب ولا صاحبه مهتم بيه ف اكل ورعايه بيطريه

الخلاصه ..
سعر الكلب بيحدده صاحب الكلب و بس حسب ظروفه و حسب اهتمامه بكلبه وتقديره لكلبه

محدش يقدر يقيم كلب الا من حيث التقليب وساعتها هيبقي ظلم الكلب وظلم صاحب الكلب ف علشان كده بطلب من كل الناس اللي عرفتني او تعرفني متجيش تقولي ايه رايك ف الكلب ده يعمل كام علشان مش بقيم كلاب

ياريت الموضوع يكون وصل للناس كلها

.

ahmed tawfik

ads


شاهد ايضا ( مقالات مشابه )